STANRADAR.COM ақпарат көзінің таратқан хабарына қарағанда, Қазақстан Республикасы жанындағы стратегиялық зерттеулер институтының әлеуметтік-саяси зерттеу бөлімінің жетекшісі Алуа Жолдыбалина келтірген дерек бойынша биыл еліміздегі атеистер қарасы халықтың жалпы санына шаққанда 18,8%-ды құраған. Қазақстандықтардың 75%-нан көбісі өзін қандай да бір наным-сенім өкілі санайды. Десе де олардың дені діни жөн-жоралғыларды атқара бермейді әрі қандай да бір діни бірлестіктің қызметіне тартылмаған. Десе де стратегиялық зерттеулер институтының маманы бұл мәліметті қайдан және қандай жолмен тапқандарын айтпады.