Өсімдік шаруашылығы өнімінің өнімділігі мен сапасын арттыруды субсидиялау қағидаларына өзгерістер 25 сәуірде күшіне енді. Бұл туралы Ауыл шаруашылығы министрлігінің баспасөз қызметі хабарлады.

Құжаттың негізгі новеллалары:

• минералды тыңайтқыштарға субсидиялар алу үшін электрондық агрохимиялық картограмманы тіркеу жөніндегі талаптарды алып тастау;
• өңірлерді мамандандырудың ұсынылатын схемасын негізге ала отырып, басым дақылдарды өндіруді жергілікті атқарушы органдардың дербес субсидиялауының орындылығын айқындау (бидай субсидиялауға жатпайды);
• тыңайтқыштар мен пестицидтерге, биоагенттерге (энтомофагтарға) арналған субсидиялар тізбелері мен нормаларын, сондай-ақ АШМ келісімінсіз өсімдік шаруашылығындағы бағыттар бойынша субсидиялар көлемін қалыптастыру және бекіту;
• басым дақылдарды қоспағанда, 2023 жылдың соңына дейін жерді қашықтықтан зондтау арқылы дала мәліметтерін растау бойынша кейінге қалдыруды ұсыну.

Сонымен қатар, белгіленген мерзімге дейін фермерлер осы егістіктерді құқық белгілейтін құжаттарға сәйкес түзетуі қажет. Тиісті кестені АШМ "Қазақстан Ғарыш Сапары" компаниясымен бірлесіп бекітеді.

Жаңа ережелермен егжей-тегжейлі сілтеме бойынша танысуға болады.