Орта Азияда екі ірі мемлекет, дәлірегі, Қазақстан мен Өзбекстан Шенген визасының аймақтағы баламасы ретінде Silk Road Visa жобасын бірлесіп әзірлейтін болды. Бұл жайында islam.kz порталы өз кезегінде Қазан қаласындағы қазақ консулы Ерлан Ысқақовқа жөн сілтеген “Татар-информ” ақпарат көзіне сілтеме жасай отырып мәлім етеді. Мұндай туристік виза туристерге өздерін қызықтыратын кез келген орта азиялық елдерге бірнеше мәрте саяхаттауына мүмкіндік береді, бұл жоба өз кезегінде аймақтағы туризмнің дамуына оң әсер етуі тиіс. Аталмыш виза әзірге бүкіл әлем туристері арасында танымал бола бастаған Қазақстан, Қырғызстан және Өзбекстанда енгізілмек.