Еліміздің турфирмалары туристердің «қара тізімін» жасады

Аталған тізім ресми емес, тек ескерту мақсатында жасалған. Еліміздің туристік фирмалары демалыс кезінде өзін нашар жағынан көрсете білген клиенттер туралы ақпарат алмасады. «Әлбетте, конституция бойынша әрбір адам сапар шегіп, саяхаттауға құқылы. Өзінің конституциялық құқығын бұзған турфирманы клиент сотқа тарта алады»,- деді Қазақстан туристер агенттігі қауымдастығының президенті Әсел Нүркебаева. Хабарға қарағанда, биыл қазақстандық туристердің қарасы доллар бағамының өсуіне байланысты едәуір азайған.