Саудия әлемнің әр түкпірінде жүріп атқан қарулы қақтығыс аймақтарындағы мәдени мұралар мен ескерткіштерді сақтаумен айналысатын «Алиф» халықаралық қорына 30 млн доллар бөлетін болды. Бұл жайында islam.kz порталы Arab News ақпарат көзіне сілтеме жасай отырып мәлім етеді. Саудияның мәдениет министрі Бадр бин Абдулла Фархан Париж қаласында өткен аталсыш қор демеушілерінің алқалы жиынанда осындай мәлімдеме жасады. Аталмыш қорға аударылған қаражат соғыс өрті тұтанған өңірлердегі тарихи маңызы жоғары мәдени құндылықтарды қорғауға жұмсалады. Бұл тарапта демеуші елдер ынтымақтастығының кәсіби мамандарын біріктіретін арнайы желі құрылады.