Көк Құран (араб. المصحف الأزرق‎‎) — IX ғасырдың соңы мен Х ғасырдың бас кезі аралығында Кайруан мұсылмандары үшін жасалған тунистік-куфалық көк түсті Құран қолжазбасы. Аталмыш қолжазба ислам өнерінің ең керемет туындалырының бірінен саналады және ең қымбат қолжазбалардың бірі болып табылады.

Қолжазба - пергаментте алтыннан (хризография) және күмістен жазбаны қамтиды. Сондай-ақ, қызыл сия пайдаланылған.

Қолжазба 7 томнан, 600 беттен тұрады. Османлы империясы тұсында жарты әлемді шарлап шықты десе де болады. 1923 жылы оның кейбір беттерін Ыстамбұл шаһарында коллекционер Ф. Р. Мартин сатып алып, кейін оларды Еуропада сатып жіберген.