Кәдімгі өмірде сынған тостаған қайта құралмайды, яғни, орнына қайтып келмейді, алайда, кванттық деңгейде процестердің барысы біржақты емес болып шықты: Лос-Аламос ұлттық зертханасының білікті мамандары кванттық жүйені уақытты кері бағыттауға мәжбүрледі. Бұл жайында islam.kz порталы Securitylab ақпарат көзіне сілтеме жасай отырып мәлім етеді. Бұл арада уақытты кері бұрып, кеңістікті өткен шаққа ауыстыру турасында сөз болып отырған жоқ. Бұл тараптағы тәжірибе барысында ғалымдар кванттық жүйенің өлшемдерге реакциясын оның дамуы артқа қарай жазылған жазба сияқты көрінетіндей етіп басқарған. Физиктер кері оралмайтын процестердің бағытын дағдылы әлемде ретсіздіктің өсуімен байланысты “уақыт жебесі” деп атайды. Кванттық деңгейде көптеген физикалық теңдеулер уақыттың екі бағытындағы процестерді бірдей сипаттайды. Физик Луис Педро Гарсия-Пинтос жетекшілік еткен ғалымдар тобы уақыт бағытының қалыпты көрінетін жүйесін өзгертетіндей әрі оның жағдайын дәл басқаратындай симметрияны қолданды. Бұл тараптағы зерттеу XIX ғасырдағы ойлау тәжірибесіндегі «Максвелл жыны» деп аталатын идеяға негізделген. Қиялдағы бейне бөлшектерді ақпарат көмегімен сұрыптап, ретсііздікті азайтуға талпынады. Жаңа жұмыста мұндай тетіктің рөлін кванттық өлшемлер атқарды. Бақылау ісі жүйенің жай-күйін сәл өзгертті, ал бұл ретте туындаған энергетикалық “наразылықты” алып, пайдалануға болады. Ғалымдар уақыттың басқарылатын жебесі кванттық жүйелердің дамуын тиімді бақылауға көмектеседі, деп санайды. Бұдан ары мұндай тәсіл неғұрлым жылдам және тұрақты кванттық компьютерлерді, сондай-ақ, кванттық әсерлердің көмегімен энергияны жинақтайтын құрылғыларды жасау кезінде қажет болуы мүмкін. Тәжірибе уақытқа саяхаттау мүмкіндігін дәлелдемейді, есесіне өлшемдер мен термодинамикалық процестерді кванттық техника үшін практикалық ресурсқа айналдыруға болатынын көрсетеді.

Максвелл жыны - 1867 жылы пайда болған ойша тәжірибе, оның басты кейіпкері -  Жеймс Клерк Максвелл есімді британдық физик ойлап тапқан микроскопиялық өлшемдегі сана иесі.