Қытайлар күріштің жаңа көпжылдық түрін шығарды, деп хабарлайды 24.kz

Дәнді дақыл кем дегенде екі жыл өмір сүреді. Ал өнімді жылына екі-үш рет береді. Бұған шанхайлық ғалымдар жабайы күріштің генін пайдалана отырып қолжеткізді. Оны кәдімгі күрішке трансплантациялау арқылы жаңа тұқым шығарды. Олар 400-ден астам үлгісіне талдау жасап, эволюциясына бақылау жасаған. Зерттеу жұмыстарының нәтижесінде күріштің өнім бергеннен кейін де қартаймайтыны анықталды. Жергілікті агрономдар бұл жаңалық ауыл шаруашылығы шығындарын азайтып өнімділікті еселеуге мүмкіндік береді деп отыр.