Жоғары тиімді су сүзгісі 10 секундта микропластиктердің 99,9% жояды
|
![Жоғары тиімді су сүзгісі 10 секундта микропластиктердің 99,9% жояды](https://static.islam.kz/uploads/images/adJ/j0c/NCZKfB8h7zY96XSs-lg.jpg)
Корей ғалымдары пластиктің титтей түйіршіктерін, сондай-ақ, басқа ластаушы заттарды мейлінше тез әрі барынша тиімді сүзетін суды тазартудың жаңа жүйесін жасады. Бұл жайында islam.kz порталы onlinelibrary.wiley.com ақпарат көзіне сілтеме жасай отырып мәлім етеді. Аталған құрылғыны әзірлеу барысында ғалымдар ковалентті триазендік құрылымды (covalent triazene framework, CTF), дәлірегі, үлкен беті бар, кеуекті материалды пайдаланды. «Молекулаларды сақтауға жеткілікті орын бар» деп жазады зерттеушілер. Мұндай материалдар өнеркәсіпте пайдаланылған ағынды сулардан органикалық бояғыштарды кетіруде тиімді. Ғалымдар суды жақсы тарту үшін CTF-тегі молекулаларды өзгертті және материалды жұмсақ тотығуға ұшыратты. Нәтижесінде тиімділігі жоғары сүзгі пайда болды: судағы микропластиктер мен ластаушы заттардың 99,9%-дан астамы 10 секунд ішінде жойылды. Материалды тиімділігін төмендетпей бірнеше рет қайта пайдалануға болады. Бұдан бөлек, зерттеушілер күн сәулесін сіңіріп, энергияны жылуға айналдыратын және оны суды ұшпа органикалық қосылыстардан (VOC) тазарту үшін пайдаланатын полимер нұсқасын әзірледі. Ол тек күн радиациясын қолдана отырып, 98% -дан астам VOC жоюға мүмкіндік берді. Екі мембрана түрін біріктіретін прототип ластаушы заттардың екі түрінің де 99,9%-дан астамын жойды.
![Тәліптер барлық есірткі контрабандасының катапултын жойды](https://static.islam.kz/uploads/images/Dd0/Duv/bSoBoEr2t7Gapti6-sq.png)
![Қызылорда облысы алғаш рет Еуропаға қамыс экспорттай бастады](https://static.islam.kz/uploads/images/h2d/nzI/T53iY2X1cgLFNuwd-sq.png)
![Ұлыбритания Еуропада алғашқы болып жасанды етті тұтынуға рұқсат берді](https://static.islam.kz/uploads/images/fKK/LS5/waGJoFxnwiARaiAa-sq.jpg)
![Жаңартылатын энергия үлесі келесі жылы көмірден өндірілетін энергиядан асып түседі](https://static.islam.kz/uploads/images/TAK/r5x/7VWR6LgRDCDEidb4-sq.jpg)
![Араб елінің стартапы көмірқышқыл газын тасқа айналдырады](https://static.islam.kz/uploads/images/PE7/67h/g6xLiGschgQN4f9s-sq.jpg)