Жапон ғалымдары тәжірибедегі тышқандардың жадыға жауапты ми аймағын өшіретін құрылғы ойлап тапты. Бұл жайында islamkz порталыScience мерзімді басылымына сілтеме жасай отырып мәлім етеді. Күншығыс елі ғалымдары бұл тарапта оптогенетика технологиясын пайдаланған. Оптогенетика мидағы нейрондардың құрылымы мен қызметін тереңірек түсінуге мүмкіндік береді. Мамандар синапстардың жұмысын үйлестіретін кофилин ақуызының қызметін бұзып көрген екен. Осылайша ақпараттар шоғырланған кезеңде белгілі уақытта мидың нақты аймағына дербес әсер етуге болады. Бұл процесс бұзылған кезде мидағы ақпарат бірден «өшеді».