Күллі әлем бойынша ерлердің шамамен 12%-ы белсіз, яғни, ер-азаматтың әр сегізіншісі ұрпақ өрбіту қабілетінін айырылған. Бұл жайында islam.kz порталы cursorinfo.co.il ақпарат көзіне сілтеме жасай отырып мәлім етеді. Бар-Илан университетінің (Израил) ғалымдары ерлердің ұрық жасушасының қызметін имитациялайтын жүйе ойлап тапты. Дәлірегі, сперматозоидтарды (еркек жыныс жасушалары) өндіруге және негізгі еркек жыныс гормоны -  тестостеронды синтездеуге қабілетті аталық бездің органоидтарын жасады. Органоид – қандай да бір ағзаның негізгі құрылымдық және функционалдық сипаттамаларын қайталайтын жасуша компоненті, зертханада 3D түрінде көрсетілген кішірейтілген нұсқасы.