Соңғы уақытта америкалық және еуропалық ғалымдар гендік терапияға жиі жүгінетін болған әрі бұл бағыттағы зерттеуді жалғастырып, жандандырып келеді. Бұл жайында islam.kz порталы Woman24 ақппарат көзіне сілтеме жасай отырып мәлім етеді. Туабітті саңырау балалардың жартысына жуығы бұл кеселдің зардабын тартуына гені себеп болып жатады, яғни тұқым қуалайтын ауру. Бұл олқылықтың орнын толтыру үшін медициналық құралдар мен протез секілді кохлеарлық импланттың көмегіне жүгінеді. Америкалық ғалымдар тобының зерттеу нәтижесіне сәйкес гендік терапияның жаңа түрі қоданылған саңырау тышқандардың есту қабілеті дені сау адамдармен бірдей дерлік деңгейде қалпына келген. Синдромдық емес терең туабітті кереңдіктің жартысынан көбі генетикалық себептерге байланысты, ал олардың шамамен 80 пайызы кереңдіктің аутосомды-рецессивті формаларына байланысты болатынын айта кету керек. Бұл тарапта тәжірибе жүргізілген тышқандар DFNB9 саңыраулық деп аталатын ауруға шалдыққан болатын, саңырау адамдардың екі-сегіз пайызының дертінің түп-төркіні осы генмен байланысты екенін айта кеткен жөн. Отоферлин деп аталатын DFNB9 ақуызы құлақтың ішкі қуысындағы жұқа түктермен жиналған дыбыстық ақпаратты берудің қалыпты функциясын орындай алмайды. Дегенмен, саңырау тышқандардың геномын арнайы жасалған вирустармен өзгерткеннен кейін кеміргіштер қалыпты жұмыс істейтін отоферлинмен өмірге келген тышқандар сияқты есту қабілетіне ие болды. AAV негізіндегі гендік терапия - кереңдікке арналған келешегінен үміт күттірген ем-дом түрі, десе де аясы тар терапевтік «тереземен» шектеледі: адам құлағының даму шегі ана құрсағына жатқанда аяқталады және есту қабілеті шамамен жүктіліктің 20 аптасында пайда болады.

Ұқсас материалдар:

«Кереңдікті емдеуге арналған ген жасалды» (https://islam.kz/kk/news/gylym/kerendikti-emdeuge-arnalgan-gen-jasaldy-14582/#gsc.tab=0);

«Шотланд ғалымдары, тіпті, масканың арғы жағынан еріндерді «оқитын» есту аппаратын ойлап тапты» (https://islam.kz/kk/news/gylym/shotland-galymdary-tipti-maskanyn-argy-jagynan-erinderdi-oqityn-estu-apparatyn-oilap-tapty-video-17358/#gsc.tab=0);

«Имплантсыз, аппаратсыз құлақтың есту қабілетін қалпына келтіру жолы табылды» (https://islam.kz/kk/news/gylym/implantsyz-apparatsyz-qulaqtyn-estu-qabiletin-qalpyna-keltiru-joly-tabyldy-16610/#gsc.tab=0);

«Саудиялық студенттің құрылғысы саңыраулардың көлік жүргізуіне мүмкіндік береді» (https://islam.kz/kk/news/gylym/saudiyalyq-studenttin-qurylgysy-sanyraulardyn-kolik-jurgizuine-mumkindik-beredi-14742/#gsc.tab=0);

"Саңырау адамдар үшін түбегейлі жаңа құрылғы жасалды" (https://islam.kz/kk/news/gylym/sanyrau-adamdar-ushin-tubegeili-jana-qurylgy-jasaldy-17722/#gsc.tab=0)