Калифорния университеті ғалымдары 6-17 жас аралығындағы 54 баланы бір жыл бойы зерттеу жұмысына қатыстырып, ғылыми тұжырым жасады, деп хабарлады meddaily.ru.  

Зерттеушілер еріктілерді екі топқа бөлді. Бірінші топ мамандардың тапсырмасымен тамақты асықпай жесе, екіншісі керісінше жасаған. Олардың қорытындылары салыстырылды.

Зерттеу қорытындысы ғалымдарды таңқалдырды. Бірінші топтағы қатысушылардың салмағы 6 айдан кейін 2-5,7 пайызға, ал бір жылдан кейін - 3,4-4,8 пайызға азайған. Ал екінші топтағы еріктілердің салмағы 6 айдан кейін 4,4-5,8 пайызға, бір жылдан кейін - 6,5-8,2 пайызға артқан. Ғалымдар осылайша балалар арасындағы семіздіктің алдын алудың жолын анықтады.