НАСА мамандарының айтуынша, биылғы қыс соңғы 40 жылдың ішінде айрықша жылы ауа ағымына ие болған.

Ғалымдар оның Фаренгейт өлшемі бойынша әдеттегіден 10-15 градус жоғары болғанын айтып отыр, деп хабарлайды 24.kz. Бұл құбылыс өз кезегінде суық ауа ағымында еріген мұздың қайта қалпына келуіне кері әсерін тигізген. Енді НАСА мамандары зерттеудің екі бағытын енгізді. Олардың бірі ауа ағымындағы әдеттен тыс жылылық кезеңіндегі мәліметтерді жинақтаса, екіншісі ең төменгі температурадағы мұздың күйін бақылайды. Сонымен қатар ғалымдар Солтүстік мұзды мұхиты жерден де, ғарыштан да бақыланатынын айтып отыр.