Чикаго қаласындағы Иллинойс университетінің ғалымдары сумен ашығудың (күні бойы тек су ішіп, астан тыйылу) өзге диеталардан еш артықшылығы жоғын алға тартып отыр. Ол ол ма, ашығуды тоқтатқан сәтте, яғни, ас қабылдағанда холестерин мен қан қысымы бұрынғы қалпына тез келеді. Бұл жайында islam.kz порталы осы бағыттағы зерттеу материалы жарияланған Nutrition Reviews мерзімді басылымына сілтеме жасай отырып мәлім етеді. Аталмыш зерттеуге жетекшілік еткен кинезиология және тамақтану профессоры Криста Уарадидің айтуынша, сумен ашығудың орнына ара-тұра сусыз ашығудың пайдасы көп.