Оңтүстік Кореяның озық технологиялар институтының (KAIST) зерттеушілері кез келген смартфонды жасырын бейнекамералар детекторына айналдыратын SweepLED деп аталатын құралды әзірледі. Бірегей жүйе жарықдиодты корпусты қамтиды, оның құны - 7 доллардан кем. Бұл жайында islam.kz порталы dl.acm.org сайтына сілтеме жасай отырып мәлім етеді. Әдетте жасырын камераларды табу үшін қараңғы бөлмеде қалта телефонының жарығын жағу әдісі қолданылады. Шағылысқан немесе жылтыраған зат камера емес, металл, шыны, т.б. болуы мүмкін. Яғни, жасырын бейнекамераларды іздеп табу үшін жарықты қандай да бір затқа бағыттап, жылтыраған затты іздеу керек. Алайда, шынының, металдың және жылтыр пластиктің жарықты шағылыстырып, нақты бақылау жабдықтарын табуды қиындатады. Жарық көзі мен шолу бұрышын бір мезгілде жылжытудың орнына, SweepLED смартфонның камерасын қозғалтпайды және жарықдиодты жарықты әр жағынан бағыттайды. Осылай іздеу өте маңызды, өйткені, камера объективінің ішкі құрылымы, диафрагмасы, сенсоры және көп қабатты әйнегі бар. Мұндай жағдайда шағылысу ерекше түрде бұрмаланады және жарық түсу бұрышы өзгерген кезде нысанын өзгертеді. Әдеттегі жылтыр заттардың шағылысатын беткі жағы мұндай әсер бермейді. SweepLED жарықты сканерлеудің бүкіл процесін қысқа бейне түрінде жазып алады, содан кейін оны жасырын камераны қайда жасыруға болатынын дәл көрсетіп, линзалардың өзіндік деформацияларын тануға үйретілген жасанды зерде моделінен өткізеді. Зерттеушілер құралды қонақ үй бөлмесінен немесе жалдамалы пәтерден табуға болатын 30 қарапайым затта сынап көрді. Жүйе жасырын камераларды 94% дәлдікпен байқады, әрбір объектіге бес секундтан аз уақыт кетеді. Лондон университеттік колледжінің таяуда жүргізген зерттеу нәтижесі көрсеткендей, тұрмыстық жасырын құралдарды пайдаланушылар тестілеу кезінде камералардың 59% -ын өткізген. KAIST SweepLED жобасын Сингапур ұлттық университеті мен Сингапур менеджмент институтының ғалымдарымен бірге жүзеге асырады. Бұған дейін жоба ACM Mobisys 2026 конференциясында көрсетілді. Әзірге бұл құрал сериялық өнімге айналған жоқ, алайда, оның негізіндегі идея болашақта нақты гаджетте пайда болатындай қарапайым болып келеді.