Арабия теңізінде Дүниежүзілік жабайы табиғат қорының өкілі полипропилен қапқа оралып қалған тасбақаны байқап қалды. Абырой болғанда, жануарға дер кезінде көмек көрсетілді. Экологтардың мәліметінше, әлемде жылына 8 миллион тоннадай пластик қалдық тасталады. Яғни, әр минутта мұхитқа бір қоқыс жинаушы көлікке сыятын қалдық шашылады. Қазір 150 миллион тоннадан астам пластик әлемдік мұхитты ластап жатыр.  

БҚО-да ауыл тұрғыны салмағы 70 келіден асатын жайын ұстады (ФОТО)

Қазталов ауданы Қайыңды ауылының тұрғыны Аслан Жайынов 19 маусым күні Қараөзеннен салмағы 70 кг, ұзындығы 2 метр 20 см болатын жайын ұстады. Жергілікті журналист Қайрат Жақыптың хабарлауынша, ауыл тұрғыны мұндай олжаға бірінші рет кенеліп отырған жоқ. Ол өткен жылы дәл осы өзеннен салмағы 45 кг, ұзындығы 2 метр болатын жайынды ұстаған болатын. Сөйтіп Жайынов жайын ұстау жөнінен өз рекордын осылайша жаңартып отыр.