Жоржия университетінің ғалымдары ірі жолдардың бойында немесе маңында тұратындардың көлік шуы мен көліктен бөлінген парникті газдан ауаның ластануы салдарынан ақыл-есінің кемістігі қаупін 10%-ға арттыратынын анықтады. Бұл жайында islam.kz порталы Ageing Research Reviews мерзімді басылымына сілтеме жасай отырып мәлім етеді. Қоршаған ортаның аталған екі факторы (шу мен ауаның ластануы) адам денсаулығына кері әсерін тигізіп қоймай, сонымен қатар, конгнитивті қабілетін төмендететін болып шықты. Дәлірегі, алжу қатерін, яғни, деменцияға ұрындыру деңгейін 10%-ға арттырады. Соның ішінде азот тотығы мен ауадағы зиянды, қатты бөлшектер организмнің тозу процесін тездетеді.