Тәуелсіз ғалымдар замануи автокөліктердің пайдаланушыға қатысты, яғни, жүргізуші мен жолаушылар туралы ақпарат жинайтынын анықтады. Бұл жайында islam.kz порталы gizmodo.com ақпарат көзіне сілтеме жасай отырып мәлім етеді. Соның ішінде көлік жүргізушінің жеке өмірінен бастап денсаулығына дейінгі деректі жинайтын болып шықты. Ғалымдардың айтуынша, адамдардың дені көлікті өзінің жеке кеңістігі ретінде қарайды. Онда көлік жүргізушісі түрлі жағдайларға байланысты адамдармен тілдесу, телефон арқылы хабарласу арқылы өзіне қатысты ақпараттарды өзі де байқамай камера, микрофон, телефон арқылы "жариялап" отырады.