Стивен Хокинг (британдық физик, Кембридж университетінің профессоры, т.б.) топшылағандай, адамға тән баяу биологиялық эволюция адамзатқа өздігінен жетілетін қабілетке ие жасанды зердемен бәсекелесе алмайды. Бұл жайында islam.kz порталы WioNews ақпарат көзіне сілтеме жасай отырып мәлім етеді. Өлерінен бірер күн бұрын Стивен Хокинг нейрожелінің геометриялық прогреспен дамуына байланысты өз қаупін білдіріп кеткен екен. Ұлы ғалымның айтуынша, толыққанды дербес жүйе адамзат өркениетін кері кетіруі мүмкін.

Стивен Хокинг нұсқасы бойынша басты қауіптер:

l  Биологиялық теңсіздік: Адамзаттың биологиялық эволюцтясы баяу жүреді. Сонымен қатар, АІ өзін-өзі жетілдіру қарқынын ұдайы арттыра отырып, өзін-өзі бірден қайта жобалауға қабілетті келеді. Міне, осындай айырмашылыққа байланысты Стивен Хокинг адамдардың жаһандық жүйелерді тез бақылауға алатын алгоритмдермен бәсекелестікке төтеп бере алмайды деп топшылаған екен.

l  Цифрлы қару нарығы: Физик ең үлкен қауіп-қатердің бірі ретінде әскери жасанды зерденің пайда болуын атады. Автономды қарудың пайда болуы салдары бүкіл ғаламшар үшін апатты болуы мүмкін жаһандық қақтығыс туындатуы ықтимал.

l Экономикалық жік: Өндірісті автоматтандыру және деректерді интеллектуалды өңдеу процесі орта тапты кәсібінен айырады. Бұл құбылыс өз кезегінде байлар мен кедейлер арасындағы алшақтықты ұлғайтып, әлеуметтік теңсіздікті тудырады.

Өзінің «Үлкен сауалдарға қысқаша жауаптар» атты қорытынды еңбегінде Стивен Хокинг басты қауіп машиналардың әлеуетті агрессиясында емес, олардың аса тиімділігінде екенін атап көрсетті. Осы орайда атақты ғалымның осындай қорқынышты болжамдарына қарамастан, ол технофоб болмағынан айта кетпекпіз. Ол сауатты бақылау мен қатаң мемлекеттік реттеу болған жағдайда технологияның баға жетпес пайда әкелетінін мойындады: емі жоқ ауруларды жеңуден бастап экологияны қалпына келтіруге және кедейшілікті жоюға дейінгі күрделі мәселелерді еңсеруге мүмкіндік беретін әлеуетін мойындаған болатын.