Йеменде бірнеше жылдан бері жалғасып келе жатқан азаматтық соғыс мыңдаған адамдардың өлім халіне жеткізді.

Сауд Арабиясы жетекшілігіндегі коалиция көтерілісшілерді басу мақсатында әскери әуе шабуылдарын жасауда.

Алайда, оның салдары тек ұйымдасқан топтардан бөлек бейбіт халыққа үлкен зардап шектіріп отыр. Йеменде қарулы қақтығыстар жүріп жатқан уақытта жарты жыл ішінде елде гуманитарлық дағдарыс апатты жағдайға жетті. Йеменді ашаршылық дендеді. Әсіресе, жас балалар осы азапты күн сайын бастан өткеруде. ВВС корреспонденттері Йеменнің гуманитарлық көмек мүлде жеткізілмейтін аймақтарында болып, жағдайды көзбен көрді.