Үндістанда сот Тамилнад штатындағы мұсылман полиция қызметкерлеріне қызмет барысында сақал қоюға рұқсатт берді. Тек бір шартпен: сақал ұқыпты әрі күтіп өсіруі тиіс. Бұл жайында islam.kz порталы өз кезегінде Bar and Bench ақпарат көзіне жөн сілтеген IslamNews сайтына сілтеме жасай отырып мәлім етеді. Мадрас Жоғарғы сотының сот төрағасы Виктория Гоури өз шешімінде Үндістанның көп конфессиялы ел екенін айта келе полиция департаменті оның қызметкерлерін діни сенімдеріне сәйкес сақал қойғаны үшін жазалай алмайтынын айтты. Үнді сотының бұл үкімі қасиетті Меккеден оралған полиция қызметкерін өзінен шені үлкен қызметкердің сақал өсіргені үшін жазалаған әрекетінен кейін шықты.