Ливанның Палестинамен арадағы шекара маңындағы Бинт-Жбейл қаласының тұрғындары Израилдің пайдасына қызмет ететін өзгеше тыңшыны қолға түсірді. Дәлірегі, аталған қала тұрғындары барлау құралымен жабдықталған бүркітті қолға түсірген. Тыңшы құстың қанаты жайғанда 2 метрге жеткен. Құстың аяғына тағылған білезіктегі жазуға қарағанда, ол Тел-Авив қаласынан ұшып келген. Жергілікті тұрғындар оның денесіндегі барлау құралдарын шешіп алып, құстың өзін еркіндікке жіберді. Сөз реті келгенде айта кетейік, мұндай жағдай бірінші рет орын алып отырған жоқ. Осыған дейін де Израилдің тыңшы құстарын қолға түсірген болатын.