«INTERFAX.RU» порталының "Associated Press» ақпарат агенттігіне сілтеме жасай отырып, таратқан хабарына қарағанда, билік басындағы әділет және даму партиясының делегаттары жексенбіде Бинали Йылдырымды премьер-министрлікке сайлаған. Ол отставкіге кеткен Ахмет Дәуітоғлының орнын басты. 60 жастағы Бинали Йылдырым Түркия президенті Режеп Тайып Ердоғанның жақын адамы саналады. Аталған партия құрылтайы өткен соң ел президенті жаңадан сайланған премьер-министрге үкімет құрамын жасақтауды тапсырады. Айта кетейік, Түркияның саяси дәстүріне сәйкес билік басындағы партияның жетекшісі автоматты түрде ел премьері болады.