Түрік компаниясы Baykar мамандары құрастырған жасырын ұшқышсыз Kizilelma ұшағы алғашқы ұшуын орындады. Бұл жайында islam.kz порталы аталмыш компанияның техникалық директоры Селжүк Байрақтардың Twitter әлеуметтік желісіндегі парақшасына сілтеме жасай отырып мәлім етеді. ​​Ұшқышсыз ұшу аппаратының ұшу сәті мен қонған кезі таспаға тартылған. Ұшқышсыз жойғыш ұшақ басқарылатын «әуе-әуе» зымырандарын тасымалдай алады және басқарылатын ұшақтармен бірге жұмыс істей алады. Kizilelma-ның максималды жылдамдығы сағатына 800 шақырымға жетеді, 1,5 тоннаға дейін жүк алып жүре алады. Дрон бес сағатқа дейін әуеде бола алады.