Түркия билігі елге біліктілігі жоғары мамандар мен кәсіпкерлерді тартуға арналған  жаңа TechVisa Program визалық бағғдарламасын іске қосты. Бұл жайында islam.kz порталы Sabah мерзімді басылымына сілтеме жасай отырып мәлім етеді. Аталған елдің технология министрлігі мен еңбек және әлеуметтік даму министрлігі екі жыл ішінде әзірлеген бағдарлама аясында табысы жоғары салаларда жұмыс істейтін шетелдік кәсіпкерлер мен білікті мамандар Түркияда үш жыл тұруға рұқсат ала алады. Оларға салықтық жеңілдіктер де қарастырылған. Сонымен қатар, бағдарлама бизнесті Түркияға көшірудің бюрократиялық процедураларын жеңілдетеді, яғни, шетелдік кәсіпкерлердің ел аумағында бизнесін жүргізуге қойылатын талаптар жұмсартылады.