Түркия билігі ұлттық мүдде мен мемлекет қауіпсіздігіне қатер төндіруі ықтималдылығы жоғары мәселелерге шетелдіктердің ықпал етуіне тосқауыл қоятын жаңа заң қабылдауға бел буып отыр. Бұл жайында islam.kz порталы Bloomberg агенттігіне сілтеме жасай отырып мәлім етеді. Түркия парламенті бірер күнде аталмыш заң жобасын талқылап, елдің ішкі және сыртқы мүддесіне шетелдік ұйымдардың немесе шет мемлекеттердің нұқсан келтіретін әрекеттеріне тосқауыл қоюды көздеп отыр. Егер бұл заң қабылданса, оның талаптарын бұзған тұлға жеті жылға дейін бас бостандығынан айырылады. Десе де құқық қорғаушылар бұл заң өзгеше ойлайтын, яғни, биліктің саяси ұстанымымен келіспейтін жекелеген тұлғаларды қудалаудың құралына айналып кете ме деп алаңдап отыр.