Түркия әлем бойынша алғашқы кеменің қысқа ұшу-қону жолағында ұшатын әрі қонатын беспилотникті жұртшылық назарына ұсынады (видео)
Түркия әлем бойынша алғашқы кеменің қысқа ұшу-қону жолағында ұшатын әрі қонатын беспилотникті жұртшылық назарына ұсынады (видео)
1 жыл бұрын 1240 Материалды көшіріп басқан жағдайда islam.kz порталына сілтеме берілуі міндетті

Алдағы бірнеше апта ішінде Түркия мамандары кеменің ұшуға және қонуға арналған қысқа жолағында ұшып-қона алатын әлемдегі алғашқы беспилотникті жұртшылық назарына ұсынбақшы. Бұл жайында islam.kz порталы Anadolu ақпарат агенттігіне сілтеме жасай отырып мәлім етеді. «Baykar түрік компаниясы сәуір айының 27-сі мен мамырдың 1-і аралығында Ыстамбұлдағы Ататүрік әуежайында өтетін TEKNOFEST-2023 авиациялық және ғарыштық технологиялар фестивалінде Bayraktar TB3 соққыға қарсы ең соңғы ұшқышсыз ұшақты алғаш рет жұртшылық назарына ұсынады. TB3 SİHA соққы беруші ұшқышсыз ұшағы биыл сынақ ұшуларын бастайды», - делінген Anadolu агенттігінің мәлімдемесінде. «Бүгілмелі қанатты Bayraktar TB3 қысқа ұшу-қону жолағындағы теңіз кемелеріне, соның ішінде Түрік Әскери-теңіз күштерінің флагманы атанған TCG Anadolu кемелеріне қонуға қабілетті әлемдегі алғашқы әскери ұшқышсыз ұшқыш аппараты болады. Bayraktar TB3 операцияларын барлау, бақылау және соққы беру мақсатында өте ұзақ қашықтықта басқаруға болады. Осылайша, Bayraktar TB3 ұшқышсыз ұшу аппараты Түркияның әскери әлеуетін нығайтуға айтарлықтай үлес қосады», - деп атап өтті агенттік.

 

0 пікір
Мұрағат