Түріктің Robit Technology компаниясы бірнеше мақсатқа арналған, ұзақ қашықтыққа ұшатын камикадзе Azab дрон құрастырды. Құрылғы ұшу сынақтарынан сәтті өтті. Бұл жайында islam.kz порталы Daily Sabah ақпарат көзіне сілтеме жасай отырып мәлім етеді. Алдағы уақытта үшбұрышты қанаты бар ұшқышсыз ұшатын аппараттың (ұшқышсыз) ату сынақтары жүргізілетіні атап өтілді. Robit Technology компаниясының өнім жөніндегі директоры Селжүк Фырат 2023 жылдың үшінші тоқсанының соңына дейін UAV оқтұмсықтарының сынақтарын аяқтауды жоспарлап отырғандарын жеткізді. Ұшқышсыз ұшақ екі нұсқада жасалған: қанаты екі метрге жететіні (Azab T200) және бір жарым (Azab T150) метрлік қанаты бары. Дрон оқтұмсықтың бірнеше түрін қолдана алады. Қанаттары екі метр болатын нұсқасы арнайы оқ-дәрілерді, сериялы миналарды және танкке қарсы гранаталарды қоса алғанда, 15 келіге дейін жүкті көтере алады. Оператор камера арқылы дронды 200 шақырымға дейінгі қашықтықта басқара алады. Сондай-ақ, Azab спутниктік навигация жүйесінің координаттары бойынша нысанаға ұша алады. Azab T150 ұшыру үшін электрлік катапульт әзірленді