Тәжікстанда ниеттенген ел азаматтарын тек кіші қажылыққа аттандырумен шұғылданатын арнайы компания ашылды. Аталған елдің дін істері жөніндегі комитеті бұл саладағы монополияны жою үшін осындай қадамға барып, "Ормон" ашық акционерлік қоғамның жұмысына рұқсат беріп отыр. Сөз орайы келгенде айта кету керек, бұрын Тәжікстанда ел тұрғындарын қасиетті сапарға, дәлірегі, ұмраға шығарып салумен айналысатын "Расул" деп аталатын бір-ақ компания болатын. Тағы бір айта кетер нәрсе: биыл аталға елге 6 мыңнан аса квота бөлініп отыр.