Ауғанстан билігіндегі тәліптер қозғалысы (Біріккен Ұлттар Ұйымының қарарымен әлемнің көптеген  елінде лаңкестік қозғалыс ретінде танылып, қызметі мен насихатына тыйым салынған - ред.) мүшелері Ауғанстанда бұрын есірткіні шекарадан өткізуге арналған барлық катапултті жойды. Бұл жайында islam.kz порталы ТАСС ақпарат агенттігіне сілтеме жасай отырып мәлім етеді. Катапульт – қандай да бір затты алысқа лақтыратын машина. Есірткі саудагерлері осы қарабайыр аппаратты пайдаланып, есірткі шикізатын шекарадан өткізеді. Тәліптердің арнайы жасағы осындай бірнеше катапултті Пәкістан мен Иран шекарасынан тапқан.