Сауд Арабиясы билігі тәліптер қозғалысы билік басына келгелі алғаш рет Кабул қаласындағы өз елшілігін қайта ашты. Бұл жайында islam.kz порталы Islam-Today ақпарат көзіне сілтеме жасай отырып мәлім етеді. Саудия монархы ауған еліне мейлінше көмек көрсетуге әзір. 2021 жылы тәліптер билік басына келгенде саудиялықтар елшілігін жауып, дипломаттарын кері шақыртқан болатын. Елшілердің қауіпсіздігін қамтамасыз ету мақсатында. Осы орайда қандай да бір елдер арасында экономикалық, саяси, мәдени, т.б. байланыс орнауы үшін ең алдымен елшілік ашылатынын айта кетпекпіз. Елшілік, бірыңғайда сол елдің саяси ұстанымын қолдайтынын білдіретін рәміз іспетті. Дипломатиялық байланыс – мемлекеттер арасындағы қарым-қатынастың алғашқы есігі.