Ресей Федерациясының жоғарғы соты треш-стримерлер (треш стример – жүргізушісі әдетте аудиториядан ақшалай сыйақы алу мақсатында өзіне немесе қонақтарға қауіпті, адамның ар-ожданын қорлайтын және соған ұқсас әрекеттер жасайтын тікелей эфирдің бір түрі – ред.) үшін қылмыстық жауапкершілік қарастырған заң жобасына қолдау білдірді. Бұл жайында islam.kz порталы Telegram-арнасындағы бастама авторы, мемлекеттік дума депутаты Артем Метелевке сілтеме жасай отырып мәлім етеді. Депутат жоғарғы соттың аталмыш заң жобасына қатысты ресми көзқарасын жариялаған екен. Құжатта «Ресей Федерациясының жоғарғы сотының құзыретіндегі заң жобасына тұжырымдамалық қарсылығы жоқ», делінген.