Біріккен Араб Әмірлігінің президені Мұхаммед бен Заид әл Нахайан қасиетті Рамазан айының құрметіне түрмеде жазасын өтеп жатқан мыңнан аса тұтқынға рақымшылық жариялады. Бұл жайында islam.kz порталы ТАСС ақпарат агенттігіне сілтеме жасай отырып мәлім етеді. Дәлірегі, осы жолы 1025 тұтқын бостандыққа шығады. Жазасын өтеушілерге рақымшылық жасауды аталған араб елі жылда қасиетті айда жариялауды әдетке айналдырған. Осылайша жаза басып, жаңылыс қадам жасағандарға рақымшылық жасау қасиетті айдың бір дәстүріне айналған. Былтыр 540 адамға рақымшылық жасалса, биыл бұл көрсеткіш екі есеге өскен. Рақымшылық ауыр қылмысқа бармағандарға ғана жасалады.