Қытай билігі 2020 жылға дейін жаңаратын энергия көздеріне 360 млрд доллардан астам қаржы жұмсауды көздеп отыр.  Бұл туралы ҚХР Мемлекеттік энергетикалық басқармасы жариялаған баяндамада айтылды. Ведомство мамандарының есебіне сәйкес, энергетиканың аталмыш секторын кеңейту елде қосымша 13 млн жұмыс орнын құруға мүмкіндік береді. Құжатта анағұрлым маңызды бағыттардың бірі гидроэнергетика (2020 жылға қарай қытайлық ГЭС-тердің жалпы қуатын 380 мың МВт-қа дейін арттыру жоспарлануда), жел стансылары (қуаттылық 210 мың МВт-қа дейін күшейтіледі), күн қондырғылары (110 мың МВт-қа дейін), биотехнологиялар (15 мың МВТ-қа дейін) екені жазылған.