Кезінде Швецияға босқын болып келіп, қасиетті Құранды өртеумен аты шыққан Салуан Момықты еліне қайтаратын болды. Дәлірегі, Швеция аумағынан мәжбүрлеп шығарылады. Бұл жайында islam.kz порталы өз кезегінде аталған скандинавиялық елдің көші-қон басқармасына жөн сілтеген әлемдік бұқаралық ақпарат құралдарына сілтеме жасай отырып мәлім етеді. Яғни, исі мұсылман қастер тұтатын кітапты қорлаған Салуан Момықты аталған елден қуып қана қоймай, сонымен қатар, Швеция жеріне бес жыл бойы келуіне тыйым салынды. Салуан Момық ирактық босқын. Қасиетті Құранды өртеу науқанын бір емес, бірнеше рет ұйымдастырған.