Шешен Республикасы мұсылмандарының діни басқармасында өткен жылы Ресей Федерациясының әр түкпірінен 70-тен аса адам тілін кәлимаға келтіріп, исламды қабылдаған. Бұл жайында республикалық "Грозный-информ" агенттігі аталған діни басқарманың баспасөз қызметіне сілтеме жасай отырып, хабар таратты. Шешен мүфтияты қызметкерлерінің айтуынша, исламды қабылдау процедурасы оңай әрі қосымша рәсімдерді атқаруға тура келмейді. Тек жан-тәнімен Алланың барлығына және бірлігіне сеніп, шаһадат айтса, жетіп жатыр. 

Хақ жолға түскісі келетіндердің неліктен өзге өңірлерге емес, дәл осы Шешенстанға аттанатынын сарапшылар түсіндіріп бере алар емес.