Қырғыз республикасының президенті Садыр Жапаров дін тарату қызметіне бірқатар шектеу қоятын дінге қатысты заңнамаға қол қойды. Бұл жайында islam.kz порталы өз кезегінде Vb.kg ақпарат көзіне жөн сілтеген IslamNews агенттігіне сілтеме жасай отырып мәлім етеді. Аталмыш заң талаптарына сәйкес үй-үйді аралап, уағыз айтуға тыйым салынады. Қырғыз билігі мұндай қадамға тұрғындардың күмәнді топтардың жетегінде кетпеуі үшін барып отыр. Бұдан бөлек, уағызшылардың дені дінді таратуды желеу етіп, өз отбасын ас-сусыз қалдырып, ұзақ уақытқа кететіндігі айтылған хабарда. Дәлірегі, үш күннен бастап, 40 күнге дейін, тіпті, 4 айға дейін кететіндерге заңмен шектеу қоюға тура келгендігі айтылған.