Шығыс Англия университетінің ғалымдары Таяу Шығыстағы өлі аймақтың аумағы ұлғайып келе жатқанына алаңдаушылық білдіріп отыр. Айта кету керек, Араб теңізінің солтүстік-батысында орын тепкен Оман шығанағындағы аталған аймақта оттегінің көп мөлшерде күрт кеміп кетуімен ерекшеленеді. Адамның тікелей басқаруынсыз 1000 метр тереңдікке дейін тұңғиыққа сүңги алатын суасты аппаратының көмегімен жүргізілген зерттеу жұмыстарының нәтижесінен белгілі болғандай, теңіз түбіндегі оттегісіз аймақ бір Шотландия аумағындай. Сөз орайы келгенде айта кету керек, мұндай аймақтар әдетте судың жылынуынан әрі құрлыққа тыңайтқышпен және 200-ден 800 метр тереңдіктен сумен шығатын органикалық заттардың көп шоғырдануынан пайда болады.