Малайзия билігі шетелдік туристерден цифрлы картаны толтыруды талап ететін ережені қолданысқа енгізді. Бұл жайында islam.kz порталы lenta.ru ақпарат көзіне сілтеме жасай отырып мәлім етеді. Дәлірегі, оңтүстік-шығыс Азиядағы аталған мемлекетке барар алдында үш күн ішінде шетел азаматтары иммиграция департаментінің веб-сайтындағы арнайы анкетаға жеке деректерін енгізуі керек. Толтырылған картаны электрондық пошта арқылы жіберілетін сілтемеден жүктеп алу арқылы шекарадағы кезекшіге көрсету керек. Транзиттік рейстермен саяхаттаған туристер жаңа ереже талаптарын сақтауға міндетті емес.