Марокканың адам құқығы жөніндегі қауымдастығы Біріккен Ұлттар Ұйымының Рабаттағы өкілдегіне Сеут пен Мелилия қалаларын, сондай-ақ, аралдарды, соның ішінде Канар аралдарын отарсыздандыруды талап етілген файлды тапсырды. Бұл жайында islam.kz порталы IslamNews ақпарат көзіне сілтеме жасай отырып мәлім етеді. Бұл талап өз кезегінде Испания билігінің алаңдаушылығын тудырып отыр. Африка құрлығы мен араб әлеміндегі аса ірі құқық қорғау ұйымы саналатын Марокканың адам құқығы жөніндегі қауымдастығының жетекшісі Әзіз Ғали өткен жылдың наурыз айында осы мәселені көтеретінін жариялап, арнайы мәлімдеме жасаған еді.