Үстіміздегі жылдың 1-қарашасынан басталған кіші қажылық маусымына Сауд Арабиясының қажылық министрлігінен осы уақытқа дейін 370 000 виза бөлінген.

Олардың ішінде қазіргі дейін қасиетті мекенге 115 000 жан келіп, кіші қажылық рәсімдерін орындап үлгерген. Бұл көрсеткіш былтырғы жылмен салыстырғанда кіші қажылыққа келушілердің екі есеге артқанын көрсетіп отыр.

Министрлік өкілінің мәлімдемесінде, кіші қажылық сапарына келушілердің көбеюіне Харам мешітіне жасалған кеңейту жұмыстарының әсер еткені айталған. Мысалға, бұған дейінгі матаф арқылы қасиетті Қағбаны бір сағат ішінде 53 000 жан айнала алатын болса, жаңа құрылыс жобасынан соң бұл көрсеткіш 130 000-ға артқан.

Айта кетейік, Сауд Арабиясы билігі биылғы кіші қажылық маусымында 8 млн-ға жуық жан келеді деп жоспарлау үстінде.