Израил жаулап алған Иордан өзенінің батыс жағалауында орын тепкен Наблус елді-мекенінде Гейс Жамин есімді 16 жастағы бозбала израилдік күштік құрылымдар қолынан қаза тапты. Бұл жайында islam.kz порталы өз кезегінде Palinfo дерек көзіне жөн сілтеген IslamNews ақпарат көзіне сілтеме жасай отырып мәлім етеді. Гейс Жасмин қасиетті Құранда аты аталған әрі мұсылмандар қастер тұтатын Жүсіп пайғамбардың қабіріне бақылау орнатпақ болған заңсыз келімсектерден қорғаймын деп қапияда қыршынынан қиылған. Дәлірегі, мергеннің оғынан мерт кеткен. Марқұмды күллі қала халқы ұлт қаһарманы ретінде ақтық сарапға шығарып салды.