Соңғы 20 жылда әлемнің көптеген елінде қоғамдық орындарда темекі тартуға салынған тыйымның нәтижесінде жүрек-қан тамыр ауруларынан зардап шегетіндер қарасы 10%-ға, өкпе дертіне  шалдығатындар саны 17%-ға кеміген. Бұл жайында islam.kz порталы MedPageToday ақпарат көзіне сілтеме жасай отырып мәлім етеді. Аталған аурулардан емхана төсегіне таңылатындар саны 9%-ға азайған әрі осы аурулардан болатын өлім-жітім көрсеткіші де осынша төмендеген. Халықаралық ғалымдар тобы бұл бағытта 144 зерттеуге метаталдау жүргізе келе осындай қорытынды жасады. Дүниежүзілік денсаулық сақтау ұйымының жат әдетке үйір болудың алдын алатын конвенциясы 2005 жылы қабылданған еді. Бұл конвенцияға АҚШ пен тағы ондаған ел қосылған жоқ.