Біріккен Ұлттар ұйымы Орта Азия елдеріндегі азық-түлік қауіпсіздігі жөнінде баяндама жариялады. Тарқатып айтқанда, БҰҰ-ның Азық-түлік және Ауыл шаруашылық ұйымы келтірген дерекке қарағанда, ең ауыр жағдай Тәжікстанда орнаған. Аталған елде 2,6 млн-нан аса адам тойып тамақ ішпейді. Одан кейінгі орында Өзбекстан тұр – 1,9 млн адам ашқұрсақ өмір сүреді. Үшінші орынға Қырғызстан жайғасқан – 400 мың адам. Ал төртінші орынға Түркіменстан табан тіреген – 300 мың адам. Аталмыш баяндамада, сонымен қатар, аймақтағы су ресурсына қатысты мәлімет те келтірілген екен. Сарапшылардың пайымдауынша, су ресурсына ең мұқтаж ел Өзбекстан болып шықты.