Араб бұқаралық ақпарат құралдарында Израил Мысырға нан бағасын субсидиялау мүмкіндігіне ие болу үшін несие бойынша Дүниежүзілік банкке кепілдік беру міндетін алғаны туралы хабар тарады. Несие сомасы 3 миллиард долларды құрайды. Бұл жайында islam.kz порталы cursorinfo.co.il ақпарат көзіне сілтеме жасай отырып мәлім етеді. Осылайша Израил билігі мысырлықтар үшін нан бағасының көтерілмеуіне көмек көрсетпек. Жаңалықта айтылғандай, Парсы шығанағы елдерінің бірде-біреуі бұл тарапта Мысырға кепіл болудан бас тартқан. Израилдің мысырлықтардың пайдасына шешім қабылдауы бірінші рет емес – Израил билігі бірнеше жыл бұрын Мысырға 2 миллиард долларлық қарызын кешірген болатын.