Исламофобтардан қорғайтын заң шығаруды өтінді

Ирландия ислам қауымдастығы исламофобиялық көзқарастағы қылмыстық іс-әрекеттерге жаза тағайындайтын заң шығару туралы өтініш жасады.

Бұған Дублин қаласында мұсылмандарға қарсы жасалған шабуылдар себеп болып отыр. Жуырда қаскөйлер қалалық бақтың бірінде үш бірдей мұсылман баланы аяусыз соққыға жыққан.

«Ирландия Еуроодақ елдері ішінде діни араздық тудырушы, діни себептермен қылмыс жасауға қатысты жауапкершілікке тарту мәселесінде артта қалды, тиісті заң жоқ» деп мәлімдеді ел мүфтиі Әли Селим.