Жакарта қаласындағы бірнеше пластикалық хирург қасиетті Рамазан айының құрметіне ерекше флешмоб, яғни, айрықша науқан өткізуде – ораза айы біткенше тәнін шимайлағандардың денесіндегі тату өрнектерін тегін алып кетіреді. Бұл жайында islam.kz порталы IslamNews ақпарат көзіне сілтеме жасай отырып мәлім етеді. Татуды кетіру үшін лазер қолданылады. Инемен салынған өрнектің орнында тыртық пен қарайған тері қалады. Аталмыш акция мақсаты кезінде сән қуып, соның зардабын тартқандардың жатт әдетсіз өмірр сүруіне көмектесуге саяды. Тату оңтүстік-шығыс Азияда кеңінен тараған әдет. Бұл жат әдетке жастар жағы тез бой алдырады. Ал артынан өкініп, өмірін татусыз өткізгісі келетін жүден аса индонезиялық азамат бұл процедура үшін кезекте тұр.