Индонезия астанасы Жакарта қаласында қазан айының 19-ы күні түстен кейін Ислам орталығының Үлкен мешіті өртеніп, нәтижесінде ғимараттың күмбезі опырылып құлаған. Құлаған сәті таспаға тартылып қалған. Бұл жайында islam.kz порталы Jakarta Globe ақпарат көзіне сілтеме жасай отырып мәлім етеді. Мұсылмандардың осынау құлшылық үйіндегі өрт Жәми мешітін жөндеуден өткізу жұмыстары кезіндегі салғырттықтан, дәлірегі, дәнекерлеу кезінде қауіпсіздік ережесінің сақталмауынан орын алған. Біір тәуірі, өрттен зардап шеккендер жоқ. Қазіргі уақытта өрттің неден шыққанын анықтау жұмыстары жүргізіліп жатыр. Мешіт исламды зерттеу және дамыту жөніндегі сараптама орталығы орналасқан Жакарта ислам орталығына тиесілі ғимараттар кешенінде орын тепкен.