Қап тауы мұсылмандарының діни басқармасы көп ұзамай Әзірбайжан мешіттерінде имамдарды тағайындау құқығынан айырылады. Бұл жайында islam.kz порталы report.az ақпарат көзіне сілтеме жасай отырып мәлім етеді. «Наным-сенім бостандығы туралы» заңға енгізілген түзетуге байланысты аталмыш құзырет Діни ұйымдармен жұмыс істейтін мемлекеттік комитетке өтеді. Жаңа ереже талаптарына сәйкес мемлекеттік комитет өз кезегінде мүфтиятқа қандай шешім қабылдағанын хабарлауы тиіс. Осы уақытқа дейін имамдарды тағайындау әрі аттестациядан өткізу міндетін Қап тауы мұсылмандары діни басқармасы атқарып келген болатын.